Á Radisson Blu 1919 Hótel, Reykjavík eru öll fundarherbergi með hljóð- og myndbúnaði og ókeypis Wi-Fi auk þess sem hægt er að endurraða þeim eftir því sem hentar viðburðinum. Við getum líka haldið viðburði á veitingastaðnum og barnum, sem rúma allt að 110 manns. Veitingastaðurinn Brút getur tekið við allt að 50 manns. Alls erum við með þrjú sérhönnuð fundarherbergi; Gullfoss, Laxfoss og Dettifoss.

Gullfoss er í aðalrýminu okkar. Njóttu þessa notalega og rúmgóða fundarherbergis með nútímalegri hönnun og stórum gluggum sem fylla herbergið af náttúrulegri dagsbirtu. Fundarherbergið er með sætaskipan í stíl stjórnarfundar með sæti fyrir allt að 14 þátttakendur. Einnig er hægt að stilla því upp sem einkasal þar sem snæða má kvöldverð með fámennum hóp.

Tónlistar- og ráðstefnuhúsið Harpa er vettvangur ýmiss konar tónleika og ráðstefna í heimsklassa. Harpa er fyrsti staðurinn í Reykjavík sem býður upp á stærri tónlistarviðburði. Hljómburðurinn í salnum er skýr og tær.

Harpa getur einnig hýst ýmiss konar fundi og ráðstefnur. Ef fundarherbergin á hótelinu okkar uppfylla ekki þarfir þínar veitum við þér gjarnan aðstoð við að bóka fundarrými í Hörpu. Við erum aðeins steinsnar í burtu frá húsinu.

Glæsileg byggingin vekur verðskuldaða athygli, en Harpa er byggð úr stáli og skartar glerhjúp með rúmfræðilegum formum í mismunandi litum sem hannaður var af listamanninum Ólafi Elíassyni í samstarfi við Henning Larsen arkitekta. Tónlistarhúsið opnaði árið 2011 og er hluti af Austurhafnarverkefninu. Frá opnun þess hefur Harpa unnið til verðlauna á borð við European Union Prize for Contemporary Architecture og World Architecture Award.